வாசகர்கள் பேசுகிறார்கள்

1 2 3 18

வாசகர்கள் பேசுகிறார்கள்

(செப்டம்பர்-அக்டோபர் 2021)

[01]
கர்த்தருக்கு ஸ்தோத்திரம். 11.8.2021 அன்று சத்தியவசன Zoom Meeting இல் கலந்துகொண்டோம். பாடல்கள், சாட்சிகள், தேவசெய்தி அருமையாகவும் எங்களுக்கு ஆசீர்வாதமாகவும் இருந்தது. கர்த்தரைத் துதிக்கிறோம்.

Mr.V.Thangaraja, Vellore.


[02]
இம்மாதம் 11ஆம் தேதி நடைபெற்ற சத்தியவசன Zoom Meeting இன் ஜெபக் கூடுகையில் நாங்களும் பங்கு பெற தேவன் கிருபை செய்தார். எங்கள் குடும்பத்திற்கு ஆசீர்வாதமாக இருந்தது. சிறப்பாக இக்கூட்டத்தை ஒருங்கிணைத்த சகோதரருக்காக ஆண்டவருக்கு நன்றி சொல்கிறோம். தொடர்ந்து ஊழியங்களுக்காக ஜெபிக்கிறோம்.

Mr.Gopi, Watrap.


[03]
ஒவ்வொரு ஞாயிற்றுகிழமையும் சத்தியவசனம் தொலைகாட்சியை தவ றாமல் பார்த்து ஆசீர்வாதத்தைப் பெற்றுக்கொள்ளுகிறோம். ‘சத்தியவசனம்’ பத்திரிக்கையில் கட்டுரைகளை எழுதும் அனைவருக்காகவும் சகோதரி சாந்தி பொன்னு அவர்களுக்காகவும் உங்கள் ஊழியங்களுக்காகவும் ஜெபித்து வருகிறோம்.

Mrs.Menaka George, Coimbatore.


[04]
அனுதினமும் கிறிஸ்துவுடன் தினசரி வேதவாசிப்பு பயனுள்ளதும், நல்ல விளக்கங்கள் உள்ளதுமாக பயன்தருகிறது. எனக்கு வயது 85, ஓய்வு பெற்ற ஆசிரியர். தினமும் வாசித்து நன்மையைப் பெற்றுக்கொண்டிருக்கிறேன்.

Mrs.Eben Duraisamy, Palayamkottai.


[05]
Praise God for Sister Shanthi ponnu. The Mighty hand of our God is upon her and we are thriving day by day in spiritual maturity by the word of God through her daily devotions. I thank God for her life. Be assured of my prayers.

Mrs.Vasugi Celin, Arni.


[06]
சத்தியவசன ஆசிரியர் அவர்களுக்கு, ஞாயிற்றுகிழமை பகல் 12.30 மணிக்கு நம்பிக்கை டிவியில் சத்தியவசன நிகழ்ச்சியைப் பார்த்து வருகிறோம். சகோ.சுவி பிரபாகரதாஸ் அவர்களின் செய்தி எங்களுக்கு ஆசீர்வாதமாக இருக்கிறது. இதன் மூலம் வேதத்தை ஆராயமுடிகிறது. மிக்க நன்றி.

Mr.J.Vincent, Nagercoil.


[07]
கர்த்தருடைய பரிசுத்த நாமத்திற்கு ஸ்தோத்திரம். சகோதரி சாந்தி பொன்னு அவர்களின் இந்த வல்லமையான எழுத்துப்பணி மேலும் மேலும் சிறக்க வாழ்த்துக்கள். கர்த்தர்தாமே அவர்களின் ஊழியங்களை ஆசீர்வதிப்பாராக.

Mr.Johnson Ebezenzer, Madurai.


[08]
அன்பார்ந்த சத்தியவசன ஊழியர்களுக்கு, கொடிய கொள்ளைநோய் காலத்திலும் கர்த்தர் எங்களை பாதுகாப்பாக வைத்துள்ளார். பெருந்தொற்றின் நாட்களிலும் உங்களையும் கர்த்தர் பாதுகாத்து ஊழியம் சிறப்பாக நடைபெற உதவி செய்திருக்கிறார். தங்களது ஆவிக்குரிய வெளியீடுகள் எங்களுக்கு ஆறுதலாக இருந்து வருகிறது.

Mr.Sam N.Gunalan, Erode.

வாசகர்கள் பேசுகிறார்கள்

(மே-ஜுன் 2021)

[01]
தாங்கள் அன்புடன் அனுப்பித்தந்த 2021 ஆம் வருட காலண்டர் கிடைக்கப் பெற்றோம். 2021ஆம் ஆண்டிலும் அனைத்து ஊழியங்களும் சிறப்பாக தொடரவும் அதன் மூலம் அநேக ஆன்மாக்கள் இயேசுகிறிஸ்துவை சொந்த இரட்சகராக ஏற்றுக்கொள்ளவும் ஊக்கமாக ஜெபிக்கிறேன். விசேஷமாக அனுதினமும் கிறிஸ்துவுடன் தியான நூல்களில் வெளிவரும் தியானங்கள் ஒவ்வொரு நாளுக்கும் ஏற்ற ஆலோசனைகளைத் தருவதாகவும், ஆவிக்குரிய வாழ்க்கையைப் பெலப்படுத்துவதாகவும், ஆறுதல் அளிப்பதாகவும் அறிவுரை வழங்குவதாகவும் உள்ளது. மனநிறைவு, மனஅமைதி, மன மகிழ்ச்சி, மன சமாதானத்தையும் அளிக்கிறது. தினமும் ஆண்டவர் நம்மோடு இடைபடுவதை உணரமுடிகிறது. எத்தனைமுறை வேண்டுமானலும் படித்து பயன்பெற முடிகிறது. அதற்காக உங்களுக்கும் ஆண்டவருக்கும் நன்றி கூறுகிறேன். நான் படித்தபின் மற்றவர்களும் படித்து பயன் பெற ஊழியர்களிடம் கொடுத்துவிடுவேன். இவற்றின் வாயிலாக விதைக்கப்படும் இறை வார்த்தைகள் அநேகருக்கு பயன் தந்துக்கொண்டே இருக்கிறது. எத்தனையோ பேர் ஆறுதலும் அறிவும் பெறுகின்றனர். தொடர்ந்து உங்கள் ஊழியங்கள் சிறப்பாக மற்றவர்களுக்கு பயன்தர ஜெபிக்கிறேன்.

Mrs.Victoria Vimaladevi, Seyyoor.


[02]
Dear Brother in Christ, Anuthinamum Christhuvudan (22.12.2020) Devotion was very super. When I read this devotion, my eyes are filled with tears. It encourage me so much and give me a strong Hope. I thank God for that excellent Devotion. Thank you.

Mr.J.Asir Thomas, Kallidaikurichi.


[03]
Praise the Lord Brother, May God bless your Ministry more and more for his Glory to get lot of souls in this year.

Mr.John Arputharaj, Coimbatore


[04]
சத்தியவசன பத்திரிக்கைகளினாலே நான் மிக்க பலன் அடைகிறேன். பத்திரிக்கைகள் வந்தவுடன் உடனுக்குடன் படிக்க இயலவில்லை என்றாலும் மெதுவாகவும் ஆர்வத்துடன் படிக்கிறேன். ஊழியங்களுக்காக ஜெபிக்கிறேன்.

Mrs.Christina Vijaya, Trichy.


[05]
கர்த்தருக்குள் அன்பான சகோதரருக்கு, கர்த்தரின் இனியநாமத்தில் வணக்கம். சத்தியவசன ஊழியத்திற்காக தினமும் ஜெபிக்கிறோம். குறிப்பாக துதி ஜெபவிண்ணப்பம் குறிப்புகள் வைத்து உபவாச ஜெபங்களில் ஜெபிக்க பயனுள்ளதாக உள்ளது. பரிசுத்த வேதாகம கால அட்டவணை அனுதினமும் கிறிஸ்துவுடன் பத்திரிக்கையிலும் காலண்டரிலும் நீங்கள் அனுப்புவது கிரமமாக வேதம் வாசிக்க மிக பயனுள்ளதாக உள்ளது. 2020 டிசம்பர் 31 ஆம் தேதி சரியாக நானும் என் கணவரும் ஒரு முறை படித்து முடித்து விட்டோம். தொடர்ந்து தினமும் வாசிக்கிறோம். அனுதின தியானம், சஞ்சிகை ஆசீர்வாதமாக உள்ளது.

Mrs.Beulah James, Chennai.

வாசகர்கள் பேசுகிறார்கள்

(மார்ச்-ஏப்ரல் 2021)

[01]
அன்பார்ந்த ஆசிரியர் அவர்களுக்கு, தங்கள் கடிதங்களும் பத்திரிக்கைகளும் தவறாமல் கிடைக்கப்பெறுகிறோம். ஆண்டவரின் பெரிதான கிருபையால் 2020ஆம் ஆண்டின் வேதவாசிப்பின் அட்டவணைப்படி பரிசுத்த வேதாகமத்தை வாசித்து முடிக்க கர்த்தர் கிருபை செய்தார்.

Mrs.Menaka George, Coimbatore.


[02]
நமது ஆண்டவரின் இரக்கம் நிறைந்த பராமரிப்போடு கடந்த 82 ஆண்டுகள் கர்த்தர் கரம்பிடித்து நடத்தி 2021க்குள் என்னை பிரவேசிக்கச் செய்துள்ளார் என்பதை கோடானகோடித் துதிகளோடு சாட்சி கூறி சமர்ப்பிக்கிறேன். கடந்த 50 ஆண்டுகட்கு முன்பிருந்தே இலங்கை வானொலியில் சத்திய வசன நிகழ்ச்சிகளைத் தவறாமல் கேட்டு மகிழ்ந்துள்ள நான் இன்று வரை தொடர்ந்து பங்காளராகவும் இருந்து வருகிறேன். 2020ஆம் ஆண்டிலும் மறுபடியும் ஒருமுறை தியான புத்தகத்திலுள்ள அட்டவணையைப் பயன்படுத்தி பரிசுத்த வேதாகமத்தைக் கிரமமாக வாசித்து முடிக்க அருள் செய்த ஆண்டவரைத் துதிக்கிறேன். நெருக்கடி நிறைந்த இக்கடைசி நாட்களில் சத்தியவசன ஊழியங்கள், ஊழியர்களை கர்த்தர் ஆசீர்வதிக்க ஜெபிக்கிறேன்.

Mrs.Chandrabai Paul, Coimbatore.


[03]
I thank Lord for your ministry through media and Bi-monthly maga zine and Anuthinamum Christhuvudan and they are very useful for our daily devotion. Thank you again and God bless your Lord’s ministry.

Dr.Deivamony Selvam, Trichy


[04]
இம்மட்டும் வழிநடத்தி பாதுகாத்து ஜீவன் தந்த கர்த்தருக்கே ஸ்தோத்திரம். முதிர்வயதிலும் உன்னைத் தாங்குவேன், தப்புவிப்பேன் என்று சொன்ன தேவன் எனது 82வது வயதைக் காணச்செய்தார். அவருக்கே கோடான கோடி நன்றி. அனுதினமும் கிறிஸ்துவுடன் புத்தகத்தை தினமும் வாசித்து தியானிப்பதின் மூலம் என் வாழ்வில் சமாதானம், ஆறுதல், மாற்றங்கள் உண்டாகச்செய்து ஆண்டவரை அதிகம் தேட, ஜெபிக்க துதிக்கச் செய்தார். வேதாகம வாசிப்பு அட்டவணைப் படி 2020ஆம் ஆண்டில் பரிசுத்த வேதாகமத்தை முழுவதுமாக வாசித்து முடிக்க கிருபை செய்தார். அவருக்கே நன்றி. ஒவ்வொரு மாதமும் தியானங்களை எழுதிவருகிற சகோதர, சகோதரிகளுக்காகவும், ஊழியத்தின் எல்லாத் தேவைகளும் சந்திக்கப்பட ஜெபிக்கிறேன்.

Mrs.Darlingam Gunaranjitham, Ramnad.


[05]
அனுதினமும் கிறிஸ்துவுடன் தியானப் புத்தகத்தில் பிரசுரமாகும் அட்டவணைப்படி 2020ஆம் ஆண்டில் பரிசுத்த வேதாகமத்தை முழுவதுமாக ஒருமுறை வாசித்து முடிக்க கிருபை செய்தற்காக ஆண்டவருக்கு கோடான கோடி ஸ்தோத்திரம்.

Mr.P.Gurunath Rajasekeran, Chennai.

1 2 3 18
சத்தியவசனம்