சொல்லும் செயலும்!

இயேசுகிறிஸ்து கிறிஸ்தவர்களைப் பார்த்து இவ்வாறு கூறுகின்றார். கிறிஸ்தவர்கள் என கூறிக்கொள்வதில் பெருமைகொள்ளும் நமது நிலைமை எத்தகையது என்று சற்று ஆராய்ந்து பார்ப்போம்.

நீங்கள் என்னைத் தெய்வம் என்று அழைக்கிறீர்கள்;
ஆனால் – நீங்கள் என்னிடம் பயபக்தி கொள்வதில்லை.

நீங்கள் என்னை இரட்சகர் என்று இயம்புகிறீர்கள்;
ஆனால் – நீங்கள் உங்கள் சொந்த ஆத்துமாவுக்குரிய இரட்சிப்பை இன்னும் என்னிடத்திலிருந்து பெற்று அனுபவிக்கவில்லை.

நீங்கள் என்னை எஜமான் என்று கூறுகிறீர்கள்;
ஆனால் – நீங்கள் எனக்குக் கீழ்ப்படிவதில்லை.

நீங்கள் என்னை ஜீவன் என்று சொல்கின்றீர்கள்;
ஆனால் – என்னை உங்கள் சொந்த ஜீவனாக ஏற்றுக்கொள்ளாது நீங்கள் நடைப்பிணமாக உழலுகிறீர்கள்.

நீங்கள் என்னை வழி என்று மொழிகிறீர்கள்;
ஆனால் – நீங்கள் என் வழியிலோ நடப்பதில்லை.

நீங்கள் என்னை வெளிச்சம் என்று சொல்கிறீர்கள்;
ஆனால் – நீங்களோ இன்னும் இருட்டிலே இருக்கிறீர்கள்.

நீங்கள் என்னை ஞானம் என்று நவில்கிறீர்கள்;
ஆனால் – நீங்கள் என்னிடம் ஆலோசனை கேட்பதில்லை.

நீங்கள் என்னை சிலுவைநாதர் என்று செப்புகிறீர்கள்;
ஆனால் – நீங்களோ உங்கள் சிலுவையை எடுத்துக்கொண்டு என்னைப் பின்பற்றுவதில்லை.

நீங்கள் என்னைப் போதகரே என்று அழைக்கிறீர்கள்;
ஆனால் – நீங்களோ என் பாதத்தில் அமர்ந்து சீஷர்களாகக் சுற்றுக்கொள்வதில்லை.

நீங்கள் என்னைச் சத்தியம் என்று சாற்றுகிறீர்கள்;
ஆனால் – நீங்கள் என்னை நம்புவதில்லை.

நீங்கள் என்னை தெய்வ இரட்சகர் என்று வாழ்த்துகிறீர்கள்;
ஆனால் – நீங்களோ என்னை நேசித்து சேவிப்பதில்லை.