அந்த வல்லமை!

தியானம்: ஜூலை 12 செவ்வாய்
வாசிப்பு: தானியேல் 3:26-27; எபேசியர் 1:17-23

தாம் கிறிஸ்துவை மரித்தோரிலிருந்து எழுப்பி,
அவரிடத்தில் நடப்பித்த தமது பலத்த சத்துவத்தின்
வல்லமைப்படியே… (எபேசியர் 1:19)

எல்லாம் முடிந்தது என்று நினைத்தபோதுதான் ஒரு மிகப் பெரிய ஆரம்பமே உண்டானது. இதுதான் நமது வாழ்வும். ஆனால் நாம் இதை நம்புவதில்லை. நமது வாழ்க்கை நாம் நினைத்தபடி அமையவேண்டும் என்பதுதான் நமது அடிமனதில் வேரூன்றியிருக்கும் ஆசை. இதனால்தான் தேவன் தமது மகத்துவமான வல்லமையை நமது வாழ்வில் விளங்கவைக்கமுடியாதிருக்கிறது. இந்த உண்மையைச் சிந்திக்கக்கூட நாம் தயாரில்லை என்பதுதான் உண்மை.

இந்த இளம் வாலிபர்களின் கதை முடிந்தது என்று ராஜா கர்ஜித்திருப்பான். தன்னை அவமதித்தவர்களை அழித்துவிட்டதாக முழங்கியிருப்பான். அவனைப் பொறுத்தளவில் எல்லாமே முடிந்துவிட்டது. ஆனால் எல்லாமே அப்போதுதான் ஆரம்பமானது என்பது அவனுக்கு எப்படித் தெரியும்? அவனே ஆரம்பிக்கிறான். உங்கள் தேவன் தப்புவிப்பாரோ? என்று கேலி செய்தவன், தான் செய்வித்த சிலை அருகிலிருந்தபடியே, உன்னதமான தேவன் என்றான். அவர்களைக் கட்டி அக்கினியில் வீசி எறியுங்கள் என்று கட்டளையிட்டவன், அவர்களின் பெயர்களை உச்சரித்து, வெளியே வாருங்கள் என்கிறான். ஆம், அவர்களது சரீரங்கள் எரியவில்லை. தலைமயிர் கருகவில்லை. சால்வை சாம்பலாகவில்லை. நெருப்பின் வாடையே அவர்களிடம் வீசவில்லை. ஆனால், அவர்களைக் கட்டியிருந்த கட்டுக்கள் மாத்திரம் அறுந்துபோயின.

தேவபிள்ளையே, இவை கட்டுக்கதையல்ல. நடந்த சம்பவம். பலவித இன்னல்களால் வாழ்க்கையில் தோற்றுப்போய் வழிதெரியாது உழன்றுகொண்டு இருக்கின்ற நீ ஒரு காரியத்தை நம்பலாம். கர்த்தர் உன்னை விடுவிக்கச் சித்தம் கொண்டால் உன்னை யாரும் கட்டிவைக்கமுடியாது. எந்தக் கட்டும் உன்னைக் கட்டுப்படுத்த முடியாது. இந்த மூன்று வாலிபரையும் விடுவித்த அதே வல்லமை இன்று நமக்கும் விடுதலை தர விரைந்துவரும். கர்த்தராகிய இயேசுகிறிஸ்துவை மரித்தோரிலிருந்து எழுப்பிய அதே வல்லமையை, அவரை விசுவாசிக்கிறவர்களாகிய நம்மிடத்திலும் காண்பிக்க தேவன் சித்தமாயிருக்கிறார் என்பதை நாம் பூரணமாக நம்பலாம். நமது முடிவு உலகத்தின் கைகளில் இல்லை. நம் முடிவு தேவகரத்தில் இருக்கிறது. எல்லா சூழ்நிலைகளிலும் அவர் இருக்கிறார் என்று கூறுவதைவிட, சூழ்நிலைகளுக்கும் மேலாக உயர்ந்திருக்கிறார் என்பதுதான் சத்தியம். நமது வாழ்வில் நடக்கும் எல்லாக் காரியங்களுக்கும் ஒரு நித்திய நோக்கம் இருக்கிறது என்பதை விசுவாசிப்போமானால் எதுவும் நம்மைச் சேதப்படுத்தாது. ஏனெனில் நாம் நமது பிதாவின் கரங்களில் இருக்கிறோம். அவர் மகிமைப்பட நாம் நம்மை விட்டுக்கொடுக்கவேண்டாமா?

ஜெபம்: பிதாவே, உமது வல்லமையை நான் சந்தேகித்த தருணங்களை மன்னியும். என்றும் உமது நாம மகிமைக்காக வாழ நீரே என்னை நடத்தும். ஆமென்.

ஜெபக்குறிப்பு: ஜூலை 11 திங்கள்

தேவன் கிருபையாக திறந்து தந்துள்ள பொதிகை சேனலில் ஒளிபரப்பாகிவரும் சத்தியவசன நிகழ்ச்சிகளை புதிய நபர்கள் காணவும், ஞாயிறு மற்றும் திங்கள் கிழமைகளில் தமிழன் டிவியில் ஒளிபரப்பாகும் நிகழ்ச்சிகளுக்காகவும், நிகழ்ச்சிகளின் ஒளிபரப்பிற்கான அனைத்துத் தேவைகளும் சந்திக்கப்படவும் ஜெபிப்போம்.

அன்புடையீர் வணக்கம்!

சத்தியவசன இணைய தளத்திற்கு ஆண்டவராகிய இயேசுகிறிஸ்துவின் நாமத்தில் வாழ்த்துதல் கூறி உங்களை அன்புடன் வரவேற்கிறோம். இந்த இணையதளத்தின் வாயிலாக உங்களுக்கு சேவை செய்வதில் பெருமகிழ்ச்சியடைகிறோம். சத்தியவசன ஊழியமானது வெகுஜன தொடர்பு ஊழியமாகும் தமிழில் இந்த வெப்சைட்டில் இடம் பெற்றுள்ள எமது ஊழிய ஸ்தாபனத்தைப் பற்றிய தகவல்கள் உங்களுக்கும் உங்கள் குடும்பத்தினர் ஒவ்வொருவருக்கும் பிரயோஜனமாயிருக்கும் என நம்புகிறோம். மேலும் இதில் இடம் பெற்றுள்ள ஆவிக்குரிய செய்திகள் மற்றும் தியானங்கள் நீங்கள் ஆவிக்குரிய வாழ்வில் பெலமடையவும் ஆண்டவரோடு நெருங்கி ஜீவிக்கவும் உதவியாயிருக்கும். இதன் மூலம் தாங்கள் பெற்ற ஆசீர்வாதங்களையும் உங்கள் மேலான கருத்துக்களையும் எங்களுக்குத் தெரிவியுங்கள். உங்கள் ஜெபக்குறிப்புக்களையும் ஆவிக்குரிய தேவைகளையும் எங்களிடம் தெரிவிக்கலாம். உங்களுக்காக ஜெபிக்கவும் உங்களுக்கு ஆலோசனை அளிக்கவும் ஆயத்தமாயிருக்கிறோம். இந்த வெப்சைட்டிற்கு வருகைதரும் போது நீங்கள் எங்கள் நண்பர்களாகிறீர்கள். மேலும் நமது ஆண்டவராகிய இயேசுகிறிஸ்துவினுடனான உறவிலே நீங்கள் மகிழ்ந்திருக்கவும் அதில் நிலைத்திருக்கவும் அதற்கு நாங்கள் உதவவும் விரும்புகிறோம்.

Welcome to the www.sathiyavasanam.in

It is a pleasure to serve you. We trust that the information and available material in Tamil language will be blessing to you, your family and friends. Sathiya Vasanam Ministry is a Unit of The Good News Broadcasting Society. It is a media ministry and we seek to touch lives with the blessing of God’s Word. You will find interesting information that will enrich you spiritual walk with the Lord Jesus and you can begin a closer walk with the Lord through the study of His Word. We welcome you to respond with any need or prayer request you may have. We are available to help you as best as we can and pray for you and your needs. When you log on to our website, you become our friend and we want to do all we can to make your relationship with Jesus Christ enjoyable and fulfilling. Thank you for choosing to log on to www.sathiyavasanam.in

சத்தியவசனம்