இன்றைய ஜெபக்குறிப்பு

தடைகளை நீக்கிப்போடுகிறவர் அவர்களுக்கு முன்பாக நடந்துபோகிறார் (மீகா 2:13) பங்காளர் குடும்பத்தில் திருமணத்திற்காய் காத்திருக்கும் பிள்ளைகளுக்கு தம்முடைய வேளையில் திருமண காரியம் கைகூடிவருவதற்கு கர்த்தர் கிருபை செய்யவும், அவர்களுக்கு ஏற்ற பொருளாதார சூழ்நிலை அமையவும், தடைகள் அனைத்தும் நீங்கவும் ஜெபிப்போம்.

தேவனாலே பராக்கிரமம் செய்வோம் (சங்.60:12) அமெரிக்காவின் லிங்கன் நெப்ராஸ்காவிலும், மற்றும் பல நாடுகளிலும் இயங்கிவரும் வேதாகமத்திற்கு திரும்புக ஊழியத்தின் தேவைகளில் சர்வவல்லமையுள்ள தேவன்கூட இருந்து வல்லமையும் பராக்கிரமுமான காரியங்களைச் செய்து வேதபாட ஊழியர்களை எடுத்து உபயோகிக்க வேண்டுதல் செய்வோம்.

பரிசுத்த வேதாகமத்தை அச்சிடும் பைபிள் சொசைட்டி ஆப் இந்தியா ஊழியங்களின் தேவைகள் சந்திக்கப்படவும், வேதாகம ஐக்கிய சங்கம் மற்றும் மிஷனெரி ஸ்தாபனங்களில் பணித்தளங்களில் பேசப்படும் மொழிகளில் நடைபெறும் வேதாகம மொழிபெயர்ப்பு பணிகளை செய்துவரும் ஊழியர்களுக்காகவும் இப்பணி செவ்வனே செய்துமுடிக்கப்பட ஜெபிப்போம்.

தேவனே, ஜனங்கள் உம்மைத் துதிப்பார்களாக; சகல ஜனங்களும் உம்மைத் துதிப்பார்களாக (சங்.67:3) இன்றைய ஆராதனையில் ஆவியோடும் உண்மையோடும் விசுவாசிகள் கர்த்தரைத் தொழுதுகொள்ளவும். திருச்சபைத் தலைவர்களுக்காகவும், திருச்சபை ஐக்கியத்திற்காகவும், சபை ஊழியங்களிலே நல்ல வளர்ச்சி காணப்படுவதற்கும் பாரத்துடன் ஜெபிப்போம்.

உமது வெளிச்சத்தையும் உமது சத்தியத்தையும் அனுப்பியருளும் (சங்.43:3) செகந்திராபாத் தலைமை அலுவலகத்திலிருந்து நடைபெறும் ஊழியங்களை கர்த்தர் ஆசீர்வதித்து, உறிந்தி, மராட்டி, கன்னடம், தெலுங்கு. பெங்காலி மொழி பேசும் மக்கள் வெளிச்சத்தினிடத்திற்கு வரவும், Associate Director Rev.Anilkumar அவர்களோடு கர்த்தருடைய கரம் கூட இருந்து வழிநடத்தவும் ஜெபிப்போம்.

உம்முடைய தயவினால் எங்கள் கொம்பு உயரும் (சங்.89:17) என்ற வாக்குப்படியே பிழைப்புக்கேற்ற வழியைத் தேடி வேலைக்காக பல முயற்சிகளை செய்துவரும் நபர்கள், வேலை நிரந்தரத்திற்கு காத்திருக்கிறவர்களுக்கு கர்த்தருடைய கண்களில் தயை கிடைக்கவும், அவர்களது மனவிருப்பங்களை கர்த்தர் நிறைவேற்றி ஆசீர்வதிக்க ஜெபம் செய்வோம்.