வாசகர்கள் பேசுகிறார்கள்

1 2 3 15

வாசகர்கள் பேசுகிறார்கள்

(செப்டம்பர்-அக்டோபர் 2019)

[01]
தாங்கள் மாதந்தோறும் அனுப்பும் சத்தியவசன பத்திரிக்கைகள் எனக்கு தவறாமல் கிடைக்கின்றன. அனுதினமும் கிறிஸ்துவுடன் தியானப் புத்தகத்திலுள்ள அட்டவணைப்படி இவ்வாண்டும் வேதத்தை அனுதினமும் வாசித்து வருகிறேன். எங்களுக்காக ஜெபியுங்கள்.

Mrs.Sarojini Moses, Dohnavur.


[02]
Dear Brother in Christ, I am immesnely delighted to meditate on the Biblical verses given in ‘Anuthinamum Christhuvudan’. The authors of the morning devotion have been inspired by the Holy Spirit and so we reap spiritual growth and maturity . I am very much grateful to the Lord and your Ministry in Christ because you have dedicated yourself for the service of the Lord Jesus. Your publication ‘Sathiyavasanam’ abounds with deep and penetrating spiritual wisdom. This spiritual Magazine is also useful for strengthening and renewing my spiritual life. I regularly pray for your Ministry.

Mr.P.Vincent, Srivilliputhur.


[03]
சத்தியவசனம் சஞ்சிகை, அனுதினமும் கிறிஸ்துவுடன் ஆகிய மாதப் பத்திரிக்கையை தொடர்ந்து பெற்றுவருகிறோம். தியானபுத்தகம் தின தியான வாசிப்பிற்கு மிகப் பிரயோஜனமாக உள்ளது.

Mrs.Jebamani George, Tirunelveli.


[04]
சத்தியவசன புத்தகங்கள் ஒழுங்காக கிடைக்கிறது. புத்தகங்கள் அனைத்தும் எங்களது ஆவிக்குரிய ஜீவியத்திற்கு மிகவும் பிரயோஜனமுள்ளதாக இருக்கிறது. கர்த்தர் சத்தியவசன ஊழியங்கள் அனைத்தையும் ஆசீர்வதிப்பாராக!

Mrs.Regina Manickam, Palayamkottai.


[05]
சத்தியவசன புத்தகங்கள் எனக்கு தவறாமல் கிடைக்கிறது. தினமும் வேதப் பகுதி வாசிப்பதற்கு முன்பதாக, அனுதினமும் கிறிஸ்துவுடன் அன்றையப் பகுதியைத் தவறாது வாசிப்பவர்களில் நானும் ஒருவன். ஒவ்வொரு பகுதியும் ஆழ்ந்த கருத்துடன் சிந்தித்து செயலாற்றும் வண்ணம் எழுதப்பட்டிருக்கிறது. பொருத்தமான உதாரணத்துடன் எளிமையாக எழுதப்பட்டுள்ளது. கடைசியில் கொடுக்கப்பட்டுள்ள சுருக்கமான ஜெபம் வழிகாட்டியாக உள்ளது. தேவனுடைய ராஜ்யம் புத்தகமும் கிடைத்தது. தங்கள் பத்திரிக்கை ஊழியங்கள் மூலம் அநேக ஆத்துமாக்கள் மனந்திரும்பி இரட்சிக்கப்படுவார்கள் என்பதில் சந்தேகமில்லை.

Mr.R.S.A.Sundersing, Tirunelveli.


[06]
Dear Brother in Christ, I am receiving your Magazine regularly and I am reading Anuthinamum Christhuvudan daily. May God bless your Ministry.

Mrs.Dr.Smilee Vivian, Davangere.

வாசகர்கள் பேசுகிறார்கள்

(ஜூலை-ஆகஸ்டு 2019)

[01]
சத்தியவசனத்தார் குழுவினர் அனைவருக்கும் இயேசுவின் நாமத்தில் வாழ்த்துக்கள். நான் 1977 லிருந்து சத்தியவசன வானொலி நிகழ்ச்சியைக் கேட்டுவருகிறேன். அப்பொழுது வானொலி, இப்போது டிவி. குறிப்பாக 1984 ஆம் ஆண்டு இலங்கை வானொலியில் வேதநாயகம் சாஸ்திரியார் அவர்கள் வழங்கிய நோவா பேழை குறித்த செய்தியை கேட்டது இன்றும் நினைவில் உள்ளது. அவர் உடல் ஆரோக்கியம் தேவ சேவையை ஆண்டவர் இன்னும் ஆசீர்வதிக்கவும் உங்கள் ஊழியங்களுக்காகவும் ஜெபிக்கிறேன்.

Mr.Marimuthu, Thamdaram pet.


[02]
கிறிஸ்துவுக்குள் அன்பான சகோதரருக்கு, வேதாகம அட்டவணைப்படி 2018ஆம் ஆண்டில் பரிசுத்த வேதாகமத்தை வாசித்து முடித்தேன் என்பதை மகிழ்வுடன் தெரிவிக்கிறேன். தின தியான புத்தகம் மிகவும் பிரயோஜனமாக இருக்கிறது. சத்தியவசனம் இருமாத இதழ் வரலாற்று செய்திகளுடனான ஆழ்ந்த திருமறை விளக்கங்களுடன் வரும் கட்டுரைகள் மிக்க நன்று. வாட்ஸ் அப் செய்திகள் மற்றைய நண்பர்களுக்கும் அனுப்ப பிரயோஜனமுள்ளதாக இருக்கிறது. கட்டுரை, தியானங்கள் எழுதுகிறவர்கள், மொழியாக்கம் செய்கிறவர்கள், வானொலி, தொலைகாட்சியில் செய்தி கொடுக்கிறவர்கள் மற்றும் அனைத்து பணிகளுக்காகவும் நாங்கள் ஜெபிக்கிறோம்.

Mr.Stephen Natarajan, Cuddalore.


[03]
அனுதினமும் கிறிஸ்துவுடன் பத்திரிக்கையில் கொடுக்கப்பட்டுள்ள வேத வாசிப்பு கால அட்டவணைப்படி வேதாகமத்தை ஒரு ஆண்டிற்குள் வாசித்து முடிக்க தேவன் கிருபை புரிந்தார். தியானபகுதி மிகவும் பிரயோஜனமாக இருக்கிறது.

Dr.Y.Lydia Rajasekar, Kuzhithurai.


[04]
Greetings to you in the Matchless name of our Lord Saviour Jesus Christ, We watch your TV Programme which is very useful for us. Please broadcost Dr.Theodore Williams speechs. As a family we are remembering you, your family and your Ministries for the Lord in our Prayers. We hope that the Lord is using you in His vineyard for the expansion of His kingdom.

Mr.V.Soma Sundaram, Chennai.


[05]
அன்பு சகோதரருக்கு, சத்தியவசன பத்திரிக்கைகள் மிகவும் பயனுள்ளது. எனக்கும் குடும்பத்திற்கும் அதிக பிரயோஜனமாக இருக்கிறது. சத்தியவசன பத்திரிக்கை ஊழியத்தையும் இதர ஊழியங்களையும் கர்த்தர் மென்மேலும் ஆசீர்வதிக்க வேண்டுகிறேன்.

Mr.Sugumaran, Erode.


[06]
கர்த்தருக்குள் அன்பான ஊழியர்களுக்கு, எனக்கு மாதந்தோறும் பத்திரிக்கை ஒழுங்காக கிடைக்கிறது. கடந்த வருடமும் நான் அட்டவணைப்படி வேதாகமம் முழுவதையும் வாசித்து முடித்தேன். எங்களுக்காக ஜெபியுங்கள்.

Mrs. Sarojini Moses, Dohnavur.

வாசகர்கள் பேசுகிறார்கள்

(மே – ஜுன் 2019)

[1]
2018 ஆம் வருடத்திலும் வேதவாசிப்பு அட்டவணைப்படி வேதாகமத்தை ஒரு முறை வாசித்து முடிக்க தேவன் கிருபை செய்தார். அனுதினமும் கிறிஸ்துவுடன் தினமும் வாசித்து பயனடையவும், கிறிஸ்துவுக்குள் பெலனடையவும் உதவி செய்தார். சத்தியவசன சஞ்சிகையையும் கிடைக்கிறது. அதிலுள்ள செய்திகளை வாசித்து ஆவிக்குரிய நன்மைகளை பெற்று வருகிறோம். எனது பேத்தி பத்தாம் வகுப்பு தேர்வு எழுத இருக்கிறாள். அவளுக்காக ஜெபிக்கும்படி கேட்டிருந்தேன். கர்த்தருடைய கிருபையால் எந்த சுகவீனமும் இன்றி எல்லாத் தேர்வுகளையும் நன்றாக எழுத கர்த்தர் கிருபை செய்தார். தேவனுக்கே மகிமை உண்டாகட்டும்.

Mrs.Leela Packianathan, Tuticorin.


[2]
தாங்கள் அனுப்பும் அனுதினமும் கிறிஸ்துவுடன் இதழ், சத்தியவசன சஞ்சிகை யாவும் எங்களுக்கு அதிக ஆசீர்வாதமாக இருக்கிறது. அதை தொடர்ந்து அனுப்பும்படி கேட்டுக்கொள்கிறோம்.

Mrs.Christober Abraham, Turticorin.


[3]
பாளையங்கோட்டை மத்திய சிறையிலிருந்து நான் எழுதுகிறேன். இங்கே சனிக்கிழமை உபவாச கூடுகை, ஞாயிறு ஆராதனை நடைபெறுகிறது. தினந்தோறும் நடைபெறும் காலை தியான வேளையில் அனுதினமும் கிறிஸ்துவுடன் தியானபகுதியே வாசிக்கப்படுகிறது. உண்மையாகவே அதில் உள்ள ஒவ்வொரு வார்த்தையும் பரிசுத்த ஆவியானவர் எங்களோடு பேசுவதுபோலவே இருக்கும். அதின் மூலம் சிலர் இரட்சிக்கப்படவும், சிலர் ஆவிக்குரிய வாழ்க்கையில் வளர்ச்சியடையவும், சிலருக்கு பாவத்தை கண்டித்து உணர்த்துவது போலவுமிருக்கும். நாங்களும் தினந்தோறும் தங்கள் ஊழியங்களுக்காக எழுத்துப்பணிக்காக தவறாமல் ஜெபிக்கிறோம்.

அன்பு சகோதரர், Palayamkottai.


[4]
2018 ஆம் ஆண்டில் அனுதினமும் கிறிஸ்துவுடன் என்ற புத்தகத்தில் கொடுக்கப்பட்ட கால அட்டவணையின்படி வேதாகமத்தை ஒருமுறை வாசித்து முடிக்க ஆண்டவர் கிருபை செய்தார். அந்தவருட ஆகஸ்டு மாதத்தில் 28 ஆம் தேதி அன்று எழுதப்பட்ட தலைப்பு ‘உடைக்கப்பட ஆயத்தமா?’ இந்தத் தலைப்பின் கீழ் எழுதப்பட்ட கருத்துகள் உடைந்த உள்ளத்தோடு வாழும் அநேகருக்கு ஆறுதலைக் கொடுத்திருக்கும். எனக்கு இப்பகுதி அதிக ஆறுதலைக் கொடுத்தது. இத்தின தியானங்கள் அநேகருக்கு இவ்விதமான ஆறுதலைக் கொடுக்க ஜெபிக்கிறேன்.

Mrs.Gnanamani Epxipah, Vellelanvilai.


[5]
அன்பு சகோதரருக்கு, தாங்கள் செய்யும் பத்திரிக்கை ஊழியங்களுக்கு மிக்க நன்றி. தியானபுத்தகம் மிகவும் நன்றாக இருக்கிறது. இந்த வருடமும் வேதாகமத்தை வாசிக்க துவங்கி தொடர்ந்து வாசித்து வருகிறேன்.

Mr.Y.Rajan, Neyveli.

1 2 3 15
சத்தியவசனம்